Орео чизкейк у погаре

Состойки:

■ 300 ґрами зомлєти   „орео” кекси

■ 50 ґрами масла

■ 5 вельки ложки млєка

■ 100 милилитри млєка

■ 200 ґрами „Абц” сира

■ 3 ложки еврокрему

■ ложка мелкого цукру

■ 200 милилитри сладкей шметанки

■ єден шлаґ з ванелиї

Поступок готовеня꞉

Витрепац сладку шметанку. До шерпенки у хторей „Абц” сир додац мелки цукер и вимишац. Сир положиц до сладкей шметанки, а вец додац еврокрем и ознова шицко вєдно вимишац. До зомлєтих кексох  положиц розпущене масло и млєко и шицко зєдинїц. Шлаґ вимишац зоз 100 милилитрами жимного млєка у окремней шерпенки. До погарох (од 200 милилитри) на сподок положиц два ложки кекси, крем, ознова кекси, крем и на концу шлаґ. На верх каждого погара мож положиц цалу кексу и посипац дакус зоз зомлєтим „ореом”. Тото  количество достаточне за  5-6 погари.

Єдна порция 485,62 кило-калориї.

Марина Надь

(Опатрене 10 раз, нєшка 1)

НАПИШЦЕ УПЕЧАТОК

Your email address will not be published. Required fields are marked *