Потребне:
■ уж упражени палачинки
■ дацо зоз чим их наполнїце (шункарица, трапист)
■ презли
■ мука
■ 2 вайца
Поступок правеня:
Пражиме палачинки (мука, вайцо, млєко, вода, цукер, соль). Потим рихтаме масу за полнєнє и похованє палачинкох. Тото цо будземе класц до палачинкох (трапист, шункарица…) найлєпше натрец. До окремних мискох усипац муку, вайца и презли. На палачинку положиме натарти сир и шункарицу и добре закруциме палачинку же би зоз нєй нїч нє випадло. Зоз конца на бок заджобнуц зубодлобку, же би ше палачинка нє отворела. Уключиц ринґлу и зограц олєй у палачинкарнї. За тот час палачинки кладземе до муки, потим до вайцох и на концу до презлох. Палачинки пражиц у врацим олєю. Кед пременї фарбу, треба ю обрациц на други бок. Кед ше упражи, виняц ю, положиц на папер и посолїц.
Вєдно 3558 kcal, а 445 kcal по порциї.
Ана Чизмар
НАЙНОВШИ УПЕЧАТКИ