Троугельнїки зоз сиром

Идеални су кед вам треба швидко справиц смачни и сочни фриштик, або вечеру. Количество сира можеце класц як любице, а можеце и комбиновац вецей файти.  

Потребне:

½ кґ готови купчи, ценки цеста

3 вайца

ложичка солї

пращок за печенє

180 ґрами шметанки

100 ґрами крем сира

150 милилитри олєю

300 ґрами швабского сира

и сусам за посипованє.

Поступок: добре вимишац вайца, соль, пращок за печенє, шметанку, крем сир и олєй. Потим вжац єдно ценке цесто, премасциц го зоз справену мишанїну, єдну або два ложки, преклопиц так, же би сце на концу справели тругельнїк. Премасцовац кажди преклопени бок. До каждого троугельнїка положиц сир, алє так же вам док ше  пече нє вичурел. И так повторйовац док єст цеста. На концу шицки троугельнїки премасциц зоз уж спомуту мишанїну и кажди посипац зоз сусамом. Печиц на 200 ступнї коло 20-25 минути. Смачного!

Сандра Саламун

(Опатрене 15 раз, нєшка 1)

НАПИШЦЕ УПЕЧАТОК

Your email address will not be published. Required fields are marked *