Лазанї

ЦЕСТО:

■ 400 ґр муки

■ 3 вайца

■ 1 ложичка солї

■ 3 ложки маслинового олєю

■ 2-3 ложки води кед же треба

Замишиц цесто и пущиц го най одстої пол годзини у фрижидеру. Подзелїц го на два лабди. Кажду лабду розогнац на ценко и порезац на фалатки велькосци одприлики 20×10 цм (у зависносци од велькосци тепшички). Цесточка поскладац на парток най ше суша, а за тот час порихтац болонєзе и бешамел.

БОЛОНЄЗЕ

■ 600 ґр млєтого швиньского меса

■ 3 струча цеску

■ цибуля

■ 4 дл парадичанки

■ 2 дл чарного вина

■ петрушково лїсце

■ вашилєц

■ попер, соль, веґета або подобне

Порезац цибулю и попражиц ю на олєю, додац месо и ище кус попражиц, додац парадичанку, порезани цеснок, вино, соль, попер, петрушку, вашилєц и веґету. Вариц дас пол годзини док нє вивре векша часц чечносци, алє нє шицка.

БЕШАМЕЛ

■ 50 ґр масла

■ 4 ложки муки

■  литра млєка

Попражиц на маслу муку и усипац цепле млєко. Мишац док нє загушнє. У векшим количеству води вариц (2-3 нараз) цеста 2-3 минути, а вец их усипац до жимней води.

Складанє лазанї

Лазанї складац до глїбшей тепшички. Тепшичку намасциц з олєйом, а вец до нєй усипац дакус бешамелу же би ше закрил сподок. На бешамел поскладац перше пасмо цеста, на цесто усипац бешамел а на ньго болонєзе. Знова положиц цесто бешамел, болонєзе. Шоровац тоти три пасма, покля ше нє потроши шицко, з тим же цесто муши буц остатнє и муши буц заляте з бешамелом по верху. Барз значне же би було надосц бешамелу и болонєзе сафту же би ше цесто мало у чим увариц. Тиж так, болонєзе би требал буц кус сланши, бо ше до бешамелу нє кладзе солї.

Печиц на 200 ступнї 45-50 минути, док ше нє лапи скорка.

Силвия Катона

(Опатрене 51 раз, нєшка 1)

НАПИШЦЕ УПЕЧАТОК

Your email address will not be published. Required fields are marked *