Медитеранео

Кед маце старого хлєба можеце приготовиц за вечеру тото барз смачне єдло. Количество состойкох мож прилагодзовац, а швидко є готове.

Потребне:

векна старого хлєба

½ кґ парадичи

½ лимуна

2 конзерви сардини лєбо тунєвини

2 менши главки цибулї

4 струча цеску

маслинов олєй

соль

попер

вашилєц.

 

Так треба приготовиц:

Хлєб порезац на подєднаки фалатки, нє барз груби, и поскладац половку до тепши лєбо огньосталней судзини хтора пред тим намасцена о маслиновим олєйом. Хлєб кус пополївац з воду так же би бул мегки, а нє барз намочени, а вода випари у релни, кед ше нє вельо налєє :). Посолїц хлєб и попирскац з лимуновим соком, та поверх того покласц тунєвину лєбо з видлїчку поджамену сардину. На тото положиц цибулю и парадичу порезану на колєчка и пошекани цеснок. Тото треба посолїц и попопровац, и по дзеки додац пошекани швижи вашилєц. Ище кус треба попирскац з олєйом, а вец шицко тото повториц ище раз же бизме достали два исти шори. Кед готове, мож натрец сира або положиц фети и дакус запечиц у релни.

20150818_194052

НАПИШЦЕ УПЕЧАТОК

Your email address will not be published.