Полнєти троугельнїки

За тот рецепт нам потребне 1 пакованє хельдового цестa за рейтеши

За фил:

250 ґрами шпинату (обариц, висцискац чечносц и пошекац).

100 ґрами фета сира (може и швабски).

2 фалатки младей цибульки (лєбо 1 ложку обичней) пошекац и попражиц .

1 струче цеску пошекац лєбо потрец и попражиц зоз цибулю.

За премасцованє цеста-пантлїкох потребне 1 децилитер маслинового олєю лєбо розпущене масло.

Присмачки додайце по смаку: соль, попер, горка паприґа (мелка), кари…

Кед шицки состойки за фил  порихтани як описане треба их добре премишац, доробиц смак и фил нам готови .

Круценє троугельнїкох:

Перше, цесто (лїсточка) треба порезац по длужини на 4 пантлїки.

Я складала по 3 цесточка и так резала 4 пантлїки понеже до троугельнїка иду 3 пантлїки. Тоти порезани пантлїки зложице пополи и лєм кладзеце на бок. Такой вам порихтане. У каждей ґрупи маце тельо кельо треба до єдного троугельнїка.

Масциц кажду пантлїку и складац єдну на другу. На остатню (трецу) положиц ложку филу и закруцац . Треба же би вишло одприлики 15 троугельнїки.Троугельнїки складац на  папер за печенє до тепши, од горе помасциц зоз розтрепаним вайцом и печиц на 200 ступнї док нє почервеня, дас 15-20 минути.

Славица Катона

НАПИШЦЕ УПЕЧАТОК

Your email address will not be published.