Ролат з меса и вайцох

Потребне:

500 ґр млєтого меса

1 сирове вайцо

4 варени вайца

2 фалатки старого хлєба без скорки

ложка присмачкох по смаку

дакус солї

дакус попру

3 ложки олєю

менша главка цибулї.

Намочиц хлєб (без скорки) до дакус води. Потим одцадзиц воду и помишац хлєб зоз млєтим месом. До млєтого меса положиц натарту главку цибулї, олєй, вайцо, солї и попру по смаку и присмачки. Шицко розмишац зоз руками же би ше добре зєдинєло.

Месо положиц на фолию и зоз руками го розцагнуц прейґ фолиї, до штредку положиц варени вайца и закруциц го до ролату.

Преляц ролат зоз дакус олєю и положиц го печиц на 200 ступнї 30-40 минути док нє почервенї.

(Опатрене 13 раз, нєшка 1)

НАПИШЦЕ УПЕЧАТОК

Your email address will not be published. Required fields are marked *