Сладки корпочки

Корпочки направени зоз „вощинового” цеста, єст их у рижних фарбох и формох, нє драги су, а мож их купиц у предавальньох здравей поживи. Мож их направиц и на сладко и на слано (наприклад накласц до нїх пудинґ лєбо руску шалату). Барз су декоративни, лєгко их украшиц, а нє треба вельо часу за приготовйованє.

За полнєнє 25 корпочкох на сладко꞉

25 корпочки

400 мл млєка

ванелийов пудинґ (додац цукру кельо пише на мещку)

дакус масла лєбо марґарину

50 ґр ризи бизи у фарбох.

Пудинґ розмишац зоз цукром (цукру додац кельо пише на мещку) и увариц у 400 мл млєка. Кед ше охладзи додац кус масла лєбо марґарину и добре з миксером вимишац, так же би пудинґ бул блїщаци. Охладзени пудинґ покласц до корпочкох зоз ложичку. Од горе накласц ризи бизи у фарбох. Добре их направиц даскельо годзини пред послуженьом, бо корпочки упию влажносц та кед длуго стоя можу розпуковац.

Совит꞉ чим увариме пудинґ, на видлїчку заджобнєме марґарин и потапкаме го по нїм же би ше нє направела скорка. 😉

(Опатрене 23 раз, нєшка 1)

НАПИШЦЕ УПЕЧАТОК

Your email address will not be published. Required fields are marked *