Потребне:
Пол кили ценки скорки
За полнєнє:
500 ґрами кравского сира
2 деци шметанки
4 вайца
1 ложичка солї.
Так треба приготовиц:
З миксером витрепеме бильчки на твардо. У другей судзини витрепеме жовчки, сир, шметанку и соль. Бильчки з варешку сциха умишаме до жовчкох.
Кажду скорку попирскаме з минералну воду и дакус олєю и з ложку положиме розправени сир по ширини скорки. Потим ю скруциме як ролат, а потим и до шлїмака. До помасценей тепши складаме шлїмаки єден коло другого. Кед нам останє сира розмасциме го по шлїмакох. Каждого шлїмака ище помасциме зоз дакус йоґурту и олєю. Печеме у релни на 220 ступнї коло 20 минути, док нє почервеня.
Барз смачне кед ше упечени шлїмаки є зоз розмуцену и кус посолєну шметанку до хторей зме на дробно пошекали струче або два цеску.
НАЙНОВШИ УПЕЧАТКИ