Тот колач права нагода же бисце госцом указали яка сце схопна ґаздиня, бо вам ше сиґурно поспиши направиц го.
Кед ше вам наявя госци, голєм три годзини пред приходом, лєбо обчекуєце госцох вчас рано, предносц того колача же го можеце вечар направиц, а рано упечиц, та ґаздиня одпочинута привита госцох зоз цеплим колачом 🙂
Потребне:
6 вайца
6 лошки цукру
1 квас
1 деца млєка и 1 деца води
кус солї
масц (лєбо марґарин)
мещок сухого грозна
муки по потреби
Поступок:
Витрепац зоз миксером 6 бильчки, додац 6 ложки цукру, и додавац єден по єден жовчок. Превариц 1 децу млєка и 1 децу води и усипац таке враце до витрепаних вайцох и цали швижи квас. Мишац з миксером и помалки додавац муки. Кед миксер почнє чежше робиц, виключиц и зоз руку доробиц цесто, так додавац муки же би цесто було мегчейше загнєцене.
Такой тото цесто подзелїц на три часци. Кажде цесто розогнац зоз розвалку, так же би ше достало цо векши круг и премасциц го зоз швиньску масцу (лєбо зоз розпущеним марґарином), и поруцац по цесту сухи грозна. Тот круг пререзац зоз ножом на поли и круциц як вельки „шульканєц”, та ше достаню два. Тоти два „шульканци” преплєтац и положиц на помасцену и помучену тепшу. Тото исте повториц зоз другима двома цестами. На тепши буду три „варґочи” и так охабиц до рана, лєбо накадзи на тепши скишнє, упечиц на 200 ступнї.
НАЙНОВШИ УПЕЧАТКИ