Гречески макарони

Потребне:

250 ґр макарони

80 ґр фета сира

3 бильчки

0,5 дц маслинового олєю

главка цибулї

0,5 кґ млєтого меса

1 мархва, петрушково лїсце

2,5 дц парадичанки,

2 ложички солї

2 ложички ориґана

дакус попру.

 

Макарони положиц до врацей, посолєней води и вариц даскельо минути. Прецадзиц их и положиц до огньостойней судзини и помишац зоз фету, витрепанима бильчками и маслиновим олєйом. У шерпенї попражиц на дробно пошекану цибулю, додац млєте месо, пошекану мархву и петрушково лїсце, парадичанку, соль, ориґано и попер. Кед ше кус попражи ровномирно преляц прейґ макаронох и сира.

У другей шерпенки увариц бешамел и то на тот способ: На єдней деци олєю попражиц 4 ложки муки, и заляц зоз 7 дц млєка, посолїц и додац мускатни орещок. Зняц зоз ринґли и додац вимуцени 3 жовчки. Таки бешамел преляц прейґ макаронох и меса и од горе натрец 80 ґр сира.Печиц у зогратей релни 25 минути на 220 ступнї.

НАПИШЦЕ УПЕЧАТОК

Your email address will not be published.