Потребне:
200 ґр сухих урмох
50 ґр масла
ложичка соди бикарбони
150 ґр жовтого цукру
2 вайца
300 ґр муки
2 ложички пращка за печенє
на верх ножа солї
120 ґр пошеканих орехох
кус цимету.
Так треба приготовиц:
Превариц у малей шерпенки 250 мл води. Повиберац маґочки зоз урмох и положиц их до мисочки зоз маслом и соду бикарбону и преляц зоз горуцу преварену воду. Розмишац же би ше масло розпущело и охабиц з боку най ше охладзи.
Округлу тепшичку за печенє (пречнїк 20 цм) помасциц и обложиц зоз папером за печенє и уключиц релну на 180 ступнї.
Трепац цукер з вайцами док ше цалком нє розпущи, та додац до урмох и помишац. Муку змишац зоз пращком за печенє и циметом, посолїц и додац ґу вайцом и урмом. Таке цесто печиц, дас годзину, годзину и пол, док колач добре нє нарошнє. Зоз зубодлобку превериц чи є добре упечени. Треба го дакус охабиц у тепши, а потим виняц и цалком охадзиц. Мож го замотац до превидного найлону и так може стац аж пейц днї. Барз є смачни и кед ше го прелєє зоз ґлазуру хтору зме направели зоз 150 ґр млєтого цукру и 3 ложками лимунового соку.
НАЙНОВШИ УПЕЧАТКИ