За 12 мафини потребне:
220 ґр муки
половка пращка за печенє
ложичка солї
ценки празилук
75 ґр кукуричного ґризу
60 ґр сира (гоч траписту, гоч кравского)
150 мл йоґурту
160 мл млєка
2 вайца.
Так треба приготовиц:
Празилук пошекац на цо дробнєйше. У єдней судзини помишац сухи состойки – муку, пращок за печенє, соль, кукурични ґриз, трапист и празилук. У другей судзини розмутькац вайца, додац йоґурт и млєко (и кравски сир кед ше го кладзе). Тоту чечну масу усипац до муки и добре зєдинїц. До помасцених калупох лєбо паперикох класц до три ферталї глїбини калупа цесто и од горе кус посипац зоз кукуричним ґризом. Печиц на 200 ступнї коло 20 минути. Кед од долу поцмею вец су готови. Охабиц их ище 10 минути у калупу и потим послужиц. Барз смачне кед ше их є зоз посолєну по смаку шметанку до хторей зме положели дакус пошеканого цеску.
НАЙНОВШИ УПЕЧАТКИ