Тот рецепт нє драги, шпинату ище мож купиц, а и швидко ше прави.
Потребне:
- пол кили шпинату
- пол кили готових скоркох
- 2 кисли млєка
- кукурични ґриз
- 3-4 вайца
- соль
- кус олєю.
Так треба приготовиц:
Добре умиц шпинат, одцадзиц и пошекац го на коцочки, уж як ше уда. До того положиц 4 вайца, кус солї, 2 кисли млєка (по 2 деци) и 2 таки погарики кукуричного ґризу. Шицко добре розмишац и подзелїц на пейц часци, одприлики. По три-штири скорки масциц зоз олєйом и воду и на трецу положиц направени фил, скруциц и складац до намасценей тепши. Од горе тиж зоз воду премасциц и олєйом. Звичайно ше зоз того количества состойкох достанє 5 рейтеши у тепши.
НАЙНОВШИ УПЕЧАТКИ