Святочна новорочна шалата

Святочна новорочна шалата прави вибор за наиходзаци швета. Смачна є и крашнє випатра. Поготов, кед за швета будзеце мац госцох, годни сце указац яка сце схопна ґаздиня.

Потребне:

200 ґрами мархви

200 ґрами гращку

350 ґрами кромплї

200 ґрами дробно на коцочки порезаней пражскей салами

100 ґрами дробно на коцочки порезани трапист

6 уварени вайца

солї.

Маса зоз хтору ше прелєє:

150 ґрами майонезу

1 шметанка

1 ложка сенфу

200 милилитри чечносци у хторей ше варела желєнява

2 мещки желатину.

И ище:

сок з пол лимуна.

Мархву, гращок и кромплї порезац на коцочки и увариц. Прецадзиц и до того положиц порезану саламу и трапист. Посолїц по смаку и преляц, хто сце, зоз соком од половки лимуна.

Окреме змишац майонез, шметанку, сенф, и добре розмишац. Желатин порихтац як написане на мещку (желатин положиц до глїбшей судзини, преляц го зоз осем ложками жимней води, охабиц 10 минути же би ше згуснул, и вец го на слабим огню охабиц же би ше розпущел. Нє шме врец). Чечносц, у хторей ше варела желєнява, зограц же би була горуца и усипац до порихтаного желатину и ище дакус мишац на шпоргету. Вец тоту масу зоз желатином усипац до судзини дзе майонез, шметанка и сенф. Добре зєдинїц.

До узкого и длугокого калупу положиц фолию и усипац половку маси, а вец пошоровац цали уварени вайца и прейґ тих вайцох преляц остаток маси. Вировнац, прекриц зоз фолию. Положиц до фрижидера. Ютредзень виняц и преврациц на одвитуюцу тацну и служиц.

НАПИШЦЕ УПЕЧАТОК

Your email address will not be published.