Слани бундавки – бурґери

Потребне нам:

 Сок зоз турскей бундави:

■ 250 ґрами очисценей и потартей бундави

■ 500 милилитри води

■ ище води – по потреби

За цесто:

■ килограм билей муки

■ коцка швижого квасу

■ 250 ґрами марґарину

■ ложка солї

■ 500 милилитри увареного соку (каши) зоз бундави

Поступок – правенє поґачох (бурґерох):

Потарту бундаву вариц у води коло 15 минути сциха най вре. Зняц зоз ринґли, вимиксовац и вимерац чи єст 500 милилитри. Кед нєт, вецка треба додац жимней води же бисце  достали 500 милилитри густого соку (кашу) зоз бундави.  Положце на бок.

Дас до пол шольки одберце направеного соку и до ньго потрушце квас. Помишайце зоз видлїчку же би ше розпущел.

До єдней векшей судзини (ванґлочки) усипце муку и змегчани марґарин хтори добре розчухаце – зєдинїце. Треба же би випатрало яґод дакус векши отрушини.

Потим треба додац квас, соль и остаток соку зоз бундави. Добре вигнєсц цесто и охабиц на цеплим же би кисло 30 – 45 минути.

Кед наросло дакус го треба прегнєсц и направиц з нього 16 котульки – лабдочки  хтори такой можеце покласц на тепшу дзе уж положени папер за печенє. Кажду лабдочку треба од горе зарезац.

На тепши треба же би ище дакус постали. Коло 20 минути им досц и можу пойсц до рерни. Треба их печиц коло 20 минути на 200 ступнї.

Нєсподзиваце ше яки су фини жовти и смачни.

Славица Катона

НАПИШЦЕ УПЕЧАТОК

Your email address will not be published.