Наиходзаци швета нє мож задумац без новорочних аранжманох и якош верим же нєт того обисца хторе пред Крачуном нє ма оквицени ядловец, або тей ґаздинї хтора ше з дутяну нє враци голєм з єдну нову ґомбулю або швичку.
Кед маце мали дзеци, нє мушице шицко куповац, радосц вше векша кед даяки аранжмани, або прикраски, правице вєдно з нїма. Ми вам предкладаме Дїда Шнїжнїка з ботошох.
Билу ботошу треба прештригнуц як цо приказане на слики. Длугшу часц преврациц и и ю ше будзе полнїц зоз рискашу, а меншу часц, там дзе пальци, лєм кус подкасац (то будзе Шнїщкова шапка). До ботоши накласц дас пол кили рискаши, завязац з цверну на двох часцох, там дзе ма буц брущок и глава.
Ґомбички можеце залїпиц зоз силиконом хтори кус розпущице на огню (у китайских дутянох силикон кошта 20 динари), а брущок можеце прикрашиц и з ґомбошками з хторих справице и очи и уста. Ґомбошки тиж єст у китайских предавальньох и тунї су. Можеце аж и скруциц спаялицу у фарби и припнуц ю з ґомбошку.
Шал може буц гоч з чого цо маце дома, а у нашим случаю то прештригнута ґумка за власи. На верх положце шапочку и Дїдо Шнїжнїк раз два готови!
НАЙНОВШИ УПЕЧАТКИ