Шалата зоз билого меса и помаранчеца

Потребне:

■ 300 мл. води

■ 2 желєни паприґи

■ 1 авокадо

■ 2-3 бобково лїсца

■ 2 помаранчата (єдно вицадзиц, а єдно порезац)

■ 1 децу билого вина

■ шольку рискаши

■600-800 ґр билого меса з курчеца

За мачанку/прелїв:

■  3 ложички майонезу

■  2 ложички шметанки

■  сок зоз пол лимуна

■  сок зоз 1 помаранчеца

■  20 ґр. помлєти мандулї

■ кус попраженого сусаму

■ соль, попер

Поступок правеня:

До води до хторей сце усипали вино и положели бобково лїсце положце обариц биле месо. Дакус посольце. Виньце и кед ше охладзи порежце го на коцочки.  Тиж положце вариц и рискашу и кед ше увари и ю одцадзце и охладзце. Порежце и паприґу, помаранче и авокадо на коцочки и шицко помишайце. Направце мачанку (прелїв) и помишайце вєдно з рискашу, паприґу, месом, помаранчецом…

Од верху посипце зоз сусамом.

 Кед нє маце швиже биле месо до шалати можеце положиц и тото цо вам останє од полудзенку з юшки. Вяри кед єст желєней шалати можеце тото сервирац на лїсца зоз шалати, а и од верху посипац зоз пошечкану шалату.

Блажена Хома Цветкович

НАПИШЦЕ УПЕЧАТОК

Your email address will not be published.