Потребне:
■ 200 ґр спелти
■ 150 ґр белуґа сочива (чарней лєнчи)
■ огурка, парадича, редхвочка, келераба, желєна шалата
■ кожи сир
■ сушена колбаса
■ соль, попер, масилнов олєй, лимунов сок
За 4 особи треба увариц 200g спелти и 150g белуґа сочива (чарней лєнчи) . Вимерац и умиц и положиц до окремних мисочкох за варенє. Насипац три раз вецей води до каждей мисочки и положиц по пол коцки за юшку. Кед зовре, спелту вариц 15 минути на штреднєй температури и охабиц у горуцей води ище 15 минути зоз виключену ринґлу. Лєнчи треба менєй часу за варенє, та кед зовре зменшайце температуру и док омегча такой зняц зоз ринґли же би ше нє розпадло.
Нарезац желєняву и сир и помишац зоз охладзенима житарками. Засмачиц зоз солю, попром, маслиновим олєйом и лимуновим соком. За тоту шалату вихасновани огурки, парадичи, редхвочки, келераба, желєна шалата, кожи сир и фалатки сушеней колбаси. Мож направиц и иншаки комбинациї желєняви и протеинох.
НАЙНОВШИ УПЕЧАТКИ