Шпаґети зоз бундавку

На олєю попражиц на дробно нарезану цибулю. Додац очисцену и на коцочки порезану бундавку. Заляц зоз воду и охабиц най ше вари коло 50 минути. Посолїц, попопровац и повеґетовац по смаку.

Пред конєц додац три жовчки, на дробно порезане петрушково лїсце и потарти трапист сир. Ище дакус вариц док нє загушнє, а потим змишац зоз обаренима шпаґетами.

Послужиц зоз парадичову шалату, або шольку йоґуртом.

Потребне

■ єдна векша бундавка

■ цибуля

■ олєй

■ три жовчки

■ коло 120 ґрами сира траписту

■ дакус швижого петрушкового лїсца

■ коло 250 ґрами  шпаґети

■ соль, попер, веґета

Даниєла Рац

НАПИШЦЕ УПЕЧАТОК

Your email address will not be published.