За цесто потребне:
300 ґрами млєти кекси
200 ґрами млєти орехи
100 ґрами цукру
100 ґрами марґарину
2 дл соку з помаранчеца.
За фил потребне:
литра млєка
3 ванелийово пудинґи
3 ложки ґустину
200 ґр цукру
200 ґрами марґарину
2 шкатули (250 ґрами) яфа кекси
300 ґрами малини.
За декорацию шлаґ, лєбо чоколадова ґлазура.
Так треба приготовиц:
Перше увариц фил. Положиц на шпоргет литру млєка до хторей треба умишац 200 ґр цукру (одвоїц дакус млєка од того количества и розмишац пудинґ и ґустин). Кед млєко зовре, увариц пудинґ и охабиц най ше охладзи. До жимного пудинґу умишац витрепани марґарин и вимиксовац (марґарин ше добре витрепе кед стої на хижней температури и кед до ньго умишаме дакус млєтого цукру).
За цесто треба шицки состойки положиц до судзини и зоз руку их фино зєдинїц. Сок поступнє додавац (можебуц нє будзе анї требац 2 дл).
Складанє торти
На цесто положиц дакус филу, менєй як 1/4, тельо же би ше яфа кекси за ньго крашнє залїпели. Потим складац кекси – чоколадов бок треба же би бул обрацени на долу (кекси нє треба мачац до соку, бо на нїх кладземе змарзнути малини).
На кекси поскладац змарзнути малини, та остаток фила помали и ровномирно класц ложку по ложку.
Украшиц торту зоз шлаґом, лєбо чоколадову ґлазуру.
Розпорядок складаня торти: цесто, дакус филу, яфа кекси, малини, остаток филу, шлаґ лєбо чоколадова ґлазура.
НАЙНОВШИ УПЕЧАТКИ