Кроасани

Потребне:

• 800 ґр муки
• швижи квас
• 4 – 5 дц млєка
• 3-4 ложки масци, лєбо кус вецей олєю
• 2 жовчки
• кус солї и цукру
• и масци лєбо 250 ґр марґарину.

Так треба приготовиц:

До лїтного млєка положиц квас, кед же ше сце достац векше количество мож кус додац и лїтней води, положиц 2 жовчки, 3-4 ложки масци, кус солї и цукру, и кус-покус додавац муки, док цесто нє постанє гладке и же би ше нє лїпкало за руки. Цесто подзелїц на 8 часци и охабиц най кишнє дас 10-15 минути. Перше цесто розогнац на цо ценши круг и премасциц з масцу лєбо з марґарином. Так розогнац и други цеста, положиц прейґ першого и намасциц … и так до конца. Остатню часц цеста нє премасцовац. Помучиц цесто и од горе и до долу и зоз розвалку розогнац на цо векши круг. Добре робиц на столє, бо круг може буц и барз вельки. Круг пререзац на поли и резац длугоки троугельнїки. Филовац зоз еврокремом лєбо маджуном, а кед ше прави на слано мож положиц натартей салами, сира, лєбо инше. Закруцац кроасани и на помасцену и помучену тепшу складац. Премасциц зоз вайцом, на слани мож положиц сусам лєбо ким. Охабиц их най дакус подкишню и печиц.