За 50 колачики потребне:
50 округли вощини (дас 4 цм у пречнїку)
3 бильчки
дакус солї
75 ґр цукру
пол ложки лимунового соку
75 ґр млєтого цукру
200-225 ґр кокосу
100 ґр чоколади.
Так треба приготовиц:
Зоз металну округлу фурмочку (а нє муши буц округла, лєм оштра), виберац вощину и поскладац ю на тепшу у хторей уж порихтани папер за печенє.
Витрепац бильчки и кус их посолїц и, кед пусла тварда, додац цукер и лимунов сок. Предлужиц трепац док ше нє почню блїщац и док ше цукер цалком нє розпущи.
Млєти цукер помишац зоз кокосом, та помали умишац до витрепаних бильчкох. Нє треба же би було анї барз густе, а анї ридке. З малу ложичку на кажду вощинку класц бильчки.
Печиц их у релни на 160 ступнї дас 12-15 минути. Кед ше охладза звонка треба же би були тварди. а знука влажни.
Охладзени колачики мож украшиц зоз розпущену чоколаду хтору зме усипали до мещка за змаржляк и одштригли углїк.
НАЙНОВШИ УПЕЧАТКИ